Ечі Семана

22 апріля 2022 р. отбыв ся вечер памняти Ечі Семана, художника, Короля подкарпатського авангарда 60-х років. Вечер быв організованый з привода 85. роча з дня рожденія майстра Столичным Русинськым Самосправованям при подпоровані РНС VI, VIII районув Будапешта. У вечері приняли участь представителі русинської общины, котрі знали Ечі у тоты роки: А. Гарайда, Й Балог, М.Ортутай, К. Гуснай, также и художникы-колеги І. Фірцак, К.Голо, Ж. Крон. Вечер вела др. М. Лявинец. Ушыткі щиро поділили ся споминами про Ечія, про разні періоды ёго жывота. З великым удовольством и приятностю перенесли ся в Ужгород 60-х, побзерали продемонстровані філмы: В. Дворцин «Мой парижанин Ейчи.», Л. Біксей «Выставка Ф. Семана 1995.», Й. Іжак «Незабываємый Ейчі.» Будапешт 2022.

Довго точила ся жива бесіда межи присутствуючими про тоты часы, про тогдашню сполочность, котрі знали Ечі Семана и были одушевенні ёго картинами.