Памняти Александра Духновича

Памняти Александра Духновича

24 апріля 1803 р. родив ся наш великый Будитель А. Духнович. Русинськый світ отмічає сесь день, бо у особі А. Духновича русины мавуть дуже почетованого ушыткыми, патріарха русинської літературы, котрый написав про себе магічні слова:

Я русин был, есмь и буду,

Я родился русином,

Честный мой род не забуду,

Останусь его сином.

Ëго высловы мусить памнятати и теперішня генерація:

Люби свой народ не завто, ош вун славный, а завто, ош вун твой.

Отечеству твоему верным буди,

Отечество бо есть тебе колыбель.

Кто отечество свое не почитает,

Тот сирота есть...

Продовжатель ідей Будителя А. Павлович писав:

Ти будив нас всіх до жизни,

Вскормил людей для Отчизни,

Первый был Ты между нами,

Славный умом и ділами.

Вождь народа знаменитий,

Не один вік будеш жити,

Земли нашей муж великий,

Проживеш в сердцях во віки!

Бог не дасть таким умерти,

Что спасли народ од смерти.

Столичноє Русинськоє Самосправованя отмітить день памняти А.Духновича 7 мая у Домі Націоналных Меншын Будапешта у 15:00.

Адрес: Будапешт 1054 ул. Академії 1

Кличеме ушыткых желаючих приняти участь у сёму сятковані.