Ґратулуєме юбіланту!

27 марта 2023 рока отсятковав свуй юбілей Иван Скиба.

И. Скиба родив ся 27 марта 1943 рока у с. Чинадієво, у родині Ивана и Екатерины

Скибы. Отец быв адвокатом, мати – учительков. Вун є другым дітваком у родині, де ся

воспитовало четверо дітей. Середню школу закончив у Мукачові из срібернов медалёв.

У 1960 році поступив в УжДУ на фізико-математичный факултет. У 1964 році

продовжав ошколованя у Одеському инженерно-строителному институті, котрый

закончив у 1969 році. Дустав диплом инженера-строителя. Первый ёго великый проект

– стадіон Спартак ДЮСШ у Мукачові. Робив у Мукачові у отділі Централного

проекткома института, затым у тому же отділі у Ужгороді. Занимав ся проектованям.

Из 2000 рока у основному робив над проектами церковных храмув. У Мукачові по ёго

проекту побудованый Катедралный Собор, котрый быв посяченый 10 децембра 2016

рока и присяченый нашым апостолам св. Кирилу и Мефодію. Кромі того, по ёго

проекту у Мукачові будує ся ґреко-католичеська церков на 450 міст по ул. Писарева,

православна церквов на 300 міст по ул. Коперника, ґреко-католичеська церков у

Пудгороді. У Ужгороді по ёго проекту побудованый новый ґреко-католичеськый храм

Преображенія Господнёго по ул. Цеголнянській. Также у Ужгороді будує ся

Францисканськый монастирь на 2 емелеты (га 1-му емелеті – римо-католичеськый

храм, а на 2.му емелеті – ґреко-католичеськый), де автором вычислень конструктивної

часті проекта є И. Скиба. У Ужгородському районі вун также проектовав ґреко-

католичеську церков у селі Тиглаш. Сесе далеко неповный список церковных храмув

на Подкарпатю, у проектованю котрых, принимав участіє И. Скиба. Из 2017 рока

И. Скиба обытує у Мадярщині. Пооздравляєме ёго из юбілеєм и жадаєме, обы Бог дав

ёму здоровля, обы муг продовжати свою благородну роботу!